Maandalizi; dakika 10
Muda wa kupika; dakika 15
Muda jumla; dakika 25

Mahitaji

250g/ ¼ kilo tambi chaguo lako
Vijiko 3 vya chakula mafuta ya kupikia
Vijiko 3 vya chakula siagi
Kijiko 1 cha chai kitunguu saumu na tangawizi
Gramu 400 za Kamba wadogo (unaweza kutumia nusu kilo pia)
¾ kikombe mvinyo nyeupe
½ kikombe maji ya limao
Chumvi na pilipili manga kwa kuonja
½ kikombe nyanya ndogondogo
Vijoko 3 vya chakula jibini (cheddar cheese au utakayopenda)
Kijiko 1 cha chakula majani ya chives (vitunguu vya majani)

Maelekezo

Andaa viungo; twanga kitunguu saumu na tangawizi; kwangua jibini; katakata nyanya nusunusu; katakata majani ya chives; kamua maji limao, weka pembeni

Kwenye sufuria kwenye moto wa wastani, chemsha tambi kulingana na maelekezo ya kwenye pakiti. Hakikisha hazilainiki sana. Chuja maji, weka pembeni

Kwenye sufuria au kikaangio katika moto wa wastani, yeyusha siagi; ongeza mafuta ya kupikia. Kaanga kitunguu saumu hadi kilainike na harufu ya ubichi itoke, kama dakika 1. Ongeza kamba, kaanga kwa dakika kama 3 pande zote. Wasiive sana wakakauka

Ongeza mvinyo, maji ya limao na chumvi; Ongeza nyanya, acha ziive kwa dakika 1

Ongeza tambi pikwa, halafu nyunyizia jibini na majani ya kitunguu (chives). Changanya vizuri

Pakua cha moto

Enjoy