Chapati ni chakula pendwa kinachoweza kuliwa wakati wowote; kama kitafunwa cha chai asubuhi na vilevile kama chakula kikuu cha mchana au usiku ambacho unaweza kusindikiza na mboga tofauti au supu

Yaliyomo kwenye ukurasa huu:

• Mambo ya kuzingatia
• Video
• Mahitaji
• Maelekezo hatua kwa hatua
• Majadiliano

Mambo ya kuzingatia

Vipimo Jaribu kufuatilia vipimo kama vilivyo. Tumia vikombe na vijiko maalum kwa kupimia ili kupata matokea mazuri zaidi

Unga wa ngano unaweza kuhitajika zaidi kidogo kutokana na ukandaji wa unga. Kama utakanda na mashine unaweza ukawa mlaini sana. Ikitokea umekuwa mlaini sana, ongeza kijiko kimojakimoja mpaka uache kunata

Icing sugar inasaidia kuleta radha nzuri na rangi nzuri wakati wa kukaanga. Haifanyi chapati ziwe tamu sana kwa hiyo usiogope kutumia. Unaweza pia kutumia sukari ya kawaida badala ya icing sugar

Corn starch/ corn four inasaidia kwenye kulainisha chapati. Zinapatikana kwa urahisi sana madukani. Endapo utakosa kabisa, usiweke, badala yake ongeza unga kama 1/4 kikombe ili usiwe mlaini sana

Siagi inaongeza radha na kulainisha chapati. Chapati zinapendeza sana pia na mafuta ya samli endapo utakuwa nayo. Unaweza pia kutumia mafuta ya kawaida au blue band badala ya siagi

Kusukuma na kukata kama inavyoonyesha kwenye video inasaidia chapati zichambuke vizuri. Unaweza pia kukata na kukunja kwa njia nyingine tofauti

Muda wa kusubiri kwenye kila hatua unasaidia kurahisisha kukanda unga, kusukuma na kufanya chapati ziwe laini zaidi. Ukiwa hauna muda, unaweza kukanda unga moja kwa moja, na kusubiri kwa dakika 10-20 baada ya kukunja kabla ya kukaanga

Funika chapati na plastic wrap au kitambaa, weka kwenye hot pot au oven yenye joto la chini ili ziendelee kuwa za moto na pia zilainike wakato bado unachoma nyingine. Mwanzoni zinaweza kuwa crispy kiasi, zinavyoendelea kukaa zinalainika

Hifadhi chapati kwenye friji. Ukitaka kula tena, pasha kwenye microwave kwa sekunde kama 40 mpaka dakika 1 au pasha kwenye kikaanga cha moto kwa dakika kama 1 au mpaka zipate joto. Baada ya kupasha zitalainika tena!

Video

Angalia Video hapa jinsi ya kutengeneza hatua kwa hatua. Usisahau kusubscribe kwenye channel yetu ya YouTube

Mahitaji

Vikombe 3-1/2 unga wa ngano; na wa ziada wa kusukumia
1/2 Kijiko  cha chai chumvi
1/3 kikombe  corn flour
Vijiko 2 vya chakula icing sugar
Vijiko 3 vya chakula  siagi; na ya ziada ya kukunjia na kukaangia
1/2 kikombe  maziwa ya mtindi
Kikombe 1 maji ya kawaida

Maelekezo hatua kwa hatua

Hatua ya 1

Weka unga wa ngano, chumvi, icing sugar na corn flour kwenya bakuli kubwa. Changanya vizuri

Hatua ya 2

Ongeza vijiko 3 vya siagi iliyoyeyushwa. Tumia mikono kuchanganya, uwe kama unasugua kwenye viganja vya mikono mpaka ichanganyikane vizuri

Hatua ya 3

Ongeza maziwa ya mgando/ mtindi pamoja na maji. Kanda mpaka uchanganyikane tu. Kisha funika bakuli, acha unga utulie kwa dakika kama 10-20

Hatua ya 4

Dakika 10-20 zikipita. Kanda tena unga mpaka ulainike vizuri kabisa. Ugawanye kwenye madonge kama 6 yaliyolingana. Unaweza pia kufanya kubwa zaidi au ndogo zaidi. Funika tena, acha utulie kwa dakika 10-20. Kuuacha unasaidia kurahisisha kwenye kusukuma na pia kulainisha chapati zaidi

Hatua ya 5

Dakika 10-20 zikipita, sukuma unga mpaka uwe mpana ukubwa zaidi ya chapati. Paka siagi kwa juu kisha nyunyizia unga wa ngano kiasi. Katakata vipande vyembamba kadri utakavyoweza, kisha vikusanye uikunje kama unavyokunja chapati. Funika tena kwa dakika kama 20 ili unga ulainike uwe rahisi kusukuma

Hatua ya 6

Sukuma unga kwa kutumia mikono, usitumie kijiti cha kusukumia chapati. Ukisukuma na mkono zinachambuka zaidi. Usiogope, kusukuma kwa mkono ni rahisi sana kama inavyoonekana kwenye video

Hatua ya 7

Kaanga pande zote, paka na siagi kila utakapogeuza kila upande

Hatua ya 7

Pakua, funika na kitambaa cha jikoni. Unaweza pia kuweka kwenye hotpot, oven yenye joto au kufunika na plastic wrap

Comments

Join discussion.