ZEGE au chispi mayai ni chakula kilichozoeleka sana kwenye jamii yetu hasa Tanzania na Kenya. Ni street food unayokutana nayo kila kona na kwa bei nzuri. Kumbukumbu yangu ya utoto ni kununuliwa chispi mayai ukiwa unaumwa unapewa na soda baridi, siku ukimaliza yote ndiyo siku umepona. Kwa kawaida chipsi mayai ni viazi vya kukaanga tu vinakaangwa na mayai. Unaweza kuongeza virutubisho kwa kuongeza mbogamboga tofauti pamoja na maziwa. hii pia huboresha radha na muonekano wake huleta hamu ya kula
DSC09434

Yaliyomo kwenye ukurasa huu:

Dakika 30 Idadi ya walaji 1 Rahisi

Mambo ya kuzingatiaDSC09350

Kukaanga viazi inategemea na mazoea ya mpishi. Unaweza kutumia viazi fresh, frozen au ukachemsha viazi kwanza kabla ya kukaanga. Kumbuka tu kutokukausha sana chipsi, zinapendeza zaidi zikiwa laini siyo kavu sana

Mafuta ya kukaangia chipsi yanatakiwa yawe masafi. Mafuta machafu siyo mazuri kiafya na pia hubadilisha rangi ya chipsi kuzifanya zionekane chafu. Mwishoni ukiweka viungo vingine, uchafu wa mafuta unaharibu mvuto wa chakula chote

Maziwa ni kiungo kingine ambacho hakijazoeleka kwenye ukaangaji wa chispi mayai. Unaweza kutumia au kutokutumia maziwa. Unaweza pia kuongeza maji badala ya maziwa, maamuzi ya mpishi

Mbogamboga zinapendeza zikiwa hazijalainika sana. ukikatakata vipande vidogovidogo zitaiva vizuri kutosha bila kuua virutubisho. Unaweza ukaongeza na kupunguza au kubadilisha mbogamboga kutokana na matakwa ya walaji

Kugeuza chipsi mayai kwa mara ya kwanza inaweza kuwa changamoto itakayopelekea kuvunjika. Tumia sahani kwenye kugeuza kuhakikisha inatoka vizuri bila matatizo

Kukaanga mbogamboga unaweza kukaanga mbogamboga pembeni kwanza kabla ya kuweka kwenye mayai kama utataka ziive ziwe laini kabisa

Video

Angalia Video hapa jinsi ya kutengeneza hatua kwa hatua. Usisahau kusubscribe kwenye channel yetu ya YouTube

Mahitaji

Viazi 2-3 vikubwa
Mafuta ya kukaangia chispi
Mayai 3
Karoti 1 ndogo sana
Pilipili hoho 1/8 x 3, rangi tofauti
Vitunguu maji 1/2 kidogo
Nyanya 1/2 ndogo
Vijiko 3 vya chakula maziwa
Mafuta kiasi ya kukaangia mayai
Chumvi kwa kuonja
Pilipili manga kwa kuonjaDSC09387

Maelekezo hatua kwa hatua

Hatua ya 1

Anza kwa kukaanga chipsi kama utakavyopenda. Fanya kwa uamuzi wako kama ni kuchemsha kwanza viazi au kukaanga moja kwa moja

Hatua ya 2

Wakati chipsi zinaiva, andaa viungo vingine. Katakata kitunguu maji, karoti, pilipili hoho na nyanya vipande vidogovidogo sana vya mraba kadri utakavyoweza

Hatua ya 3

Pasua mayai, weka kwenye bakuli kubwa. Ongeza mbogamboga; kitunguu maji, nyanya, karoti na pilipili hoho (weka kiasi utakachopenda). Ongeza maziwa, chumvi na pilipili manga. Changanya vizuri

Hatua ya 4

Chipsi zikiiza hamishia kwenye kikaango kilichopata moto kwa ajili ya kukaanga na mayai. Ongeza na mafuta kiasi sana ili mayai yasichike chini

Hatua ya 5

Ongeza mchanganyiko wa mayai kwenye kikaango chenye chispi, sambaza vizuri chispi zote zifunikwe. Acha kila kitu kiive pamoja katika moto wa wastani. Kuwa muangalifu moto usiwe mkali sana. Pika mpaka mayai yaanze kuiva na kushikana, na chini yapate rangi ya kahawia kiasi

Hatua ya 6

Geuza kwa kutumia sahani ili chipsi mayai isimong´onyoke au kuvunjika. Pika upande wa pili kwa dakika chache mpaka mayai yaive vizuri ila yasikauke sana

Hatua ya 7

Pakua kwenye sahani, enjoy na kinywaji cha baridi sanaDSC09422

Comments

Join discussion.